mandag 12. februar 2018

Fiske på Guadeloupe



Årets vinterfisketur gjekk til Guadeloupe i Karibien. Godt og varmt er det her, sjølvom vi rett som det er får ei kort regnbye. Vinden ser ut til å setje sine begrensingar på fisket, dette då bølgene har blitt så pass store at det ikkje er tilrådelig å reise så langt frå land. Kaptein klagar og på temperaturen i havet, han meiner det er for kaldt til å få godt fiske, det er "berre" 26 grader medan det burde ha vore 28-29 grader. Uansett så blir det litt fiske i kystnæreområder. Asle har så langt fått opp baraccuda og black trevally.
Snart framme på Guadeloupe
Like ved der vi har båten vår

På veg til fiske ved Rivière des Pères

På jakt etter tarpon
Det er lov å prøve seg på flugefiske og


Asle med black trevally



fredag 17. februar 2017

I dag er dagen komen for eting av heilgrilla spegris i Guavate

I helgane er det vanleg at mange innbyggerar frå San Juan og dei andre byane rundt om tek turen til Guavate i fylket Cayay, dette for å høyre på live salsamusikk, danse litt og å ete godt. Anthony Bourdain frå programmet "No Reservation" og Andrew Zimmerman frå "Bizzare Foods" som blir sendt bla. på Travel Channel, har laga program herifrå, spesialiteten til dette området er heilgrilling av spe- og smågriser (lechon), desse programma hadde Ove sett og han ville gjerne at karane skulle ta seg ein tur dit og dermed blei det slik i dag. Desse, såkalla lechoneras ligg på rad og rekke langs ei gate inne i regnskogen der det er lite eller ingenting anna enn desse utandørsrestaurantane. Vi brukte Uber for å kome oss dit, noko som var veldig greitt. Sjåføren reiste heim etter å ha sett oss av, han sa det berre var å ringe å bestille bil frå Uber når vi skulle heimatt. Dette skulle viser seg å ikkje halde stikk, vi fekk store problem med å kome oss tilbake til San Juan, men det ordna seg til slutt.

Vi var noko skeptisk då kokken tok i brukte ein svær machete for å dele opp spegrisen, men kokken hadde utruleg presisjon på macheten og hadde alle fingrar i behald etterpå. Maten var nydeleg med heilt crispy skinn , likna igrunn litt på ribbesmak men kanskje ei aning søtare, til dette fekk vi servert mofongo, noko som er ein puertorikansk nasjonalrett, dette er laga av plantain, dvs. matbananer tilsett diverse anna, vidare fekk vi meir tilbehør som vi ikkje har peiling på kva var.

Her ein litt større gris som blir roasta

Enkle forhold på restauranten, men maten er like god for det

Då er maten fortært. Skulle vi kanskje hatt noko leskande? Tja kanskje det ;)

torsdag 16. februar 2017

Vi prøver tarponfiske på nytt

På tysdag hadde vi første dagen vi fiska etter tarpon, vi fekk ingen tarpon då på trass av at vi såg mengder av store og små tarponar som velta/rulla seg i overflata. Derfor ny frisk i dag!

Og ja, i dag skulle det lukkast, Tormod og Ove fekk kvar sin tarpon, ikkje av dei størst men små var dei heller ikkje. Dette var første gangen Ove fekk ein tarpon medan Tormod har fiska etter desse og fått større på ein tidlegare tur på Cuba. Asle og Ove hadde tenkt dei skulle slå rekorden til Tormod, det gjekk ikkje denne gangen, men berre vent, vi skal nok ta rekorden hass til slutt :)

Ove med sin førte tarpon

Tormod med fin tarpon, sjølv om det for han ikkje var nokon rekordfisk

onsdag 15. februar 2017

Deepsea fishing i dag

I dag var tida komen for å ta ein havfisketur. Like utanfor øya, ca 3-400 meter frå kysten blir det brått veldig djupt og her på kanten var det vi fiska. Det var ikkje det store bitet, men Asle fekk seg ein Atlantic Sailfish. Tidlegare har vi fått Pacific Sailfisk men no altså også ein Atlantic. Outfitterane våre var særs dyktige men er det lite fisk å få så er det lite fisk å få, thats fishing :)
Asle med segelfisken sin. Denne var så vill at kapteinen ombord torde ikkje  å ta den opp i båten då han var redd fisken kunne skade både seg sjølv og oss.

På begge sider av innseglinga til havna i San Jose låg det festningar, dette er den eine av dei, kalla San Felipe del Morro

tirsdag 14. februar 2017

San Jose, Puerto Rico, tysdag

I dag stod me opp kl. 05:00 og var på plass i båthavna kl 06:00. Litt etter gjekk me gjennom Canal Suàres og ut i Laguna San Jose før me gjekk vidare til Laguna Los Corozos. Programmet for dagen var tarponfiske, ein art eg aldri tidlegare har fiska etter, og som det skulle vise seg at eg ikkje hadde peiling på! Rikeleg med fisk, me løfta 5 tarpon, men fekk ingen av dei. Sjølv løfta eg 2 men gjorde feil og gjorde tilslag, noko som er absolutt utilgiveleg på tarponfiske. Det eg fekk i dag var ein cero mackrel og ein flott 10lb, jack crevalle, så ingen vassfis trass alt☺





På veg til lagunen gjennom Canal Suáres

Ove med ein jack trevally






Asle fiskar etter tarpon, ein av desse vakar i bakkant









mandag 13. februar 2017

San Jose, Puerto Rico måndag

Årets fisketur blei bestemt til å gå til San Jose. Vi kom på søndag ettermiddag etter ein kjapp tur over Atlanteren (2 timar kjappere enn det rutetida til Norwegian tilsa). Måndag blei ein dag til å gjere seg kjent i San Jose, som ser ut til å vera ein kjempeplass! Reint og fint er det med både sykkelstiar (2 felts), og gangveger. Ikkje noko å seie på maten eller drikka heller :) Her nokre bileter frå dag 1:

Tormod på Condadobeach

Karane på Puente dos Hermanos

Utsikt i retning Condado

Parlamentsbygningen i PR
Ein liten forfriskning



lørdag 26. november 2016

Morlaus kalv innom Berge

Då vi kom til Bjåstad i dag på laurdag såg vi dyr i Bjåstadlia, men då vinden var veldig vekslande og været var meldt betre i morgon fann vi ut at vi i staden for å prøve oss på desse skulle køyre over på Homrane for å sjå om vi kunne finne dyr lenger innover mot Fjærland. Som sagt så gjort, vi køyrde alle tre til Homrane. Ove meinte han kunne sjå nokre dyr innom Berge, eit einsleg dyr på ein stad, bukk meinte han, og tre andre noko lenger ut mot Berge. Då var det å køyre bort att til Berge der Ove slapp Tormod og Asle av. Asle gjekk over tunnelltaket medan Tormod gjekk inn i granskogen under Berge og Ove returnerte til Homrane. Det var ikkje dei enklaste kikreforhalda, men Ove kunne av og til sjå Tormod og slik kunne han meir eller mindre dirigere han innover slik at han kom seg innom "bukken". Tormod tok seg så opp i terrenget, dette medan Ove såg han nærma seg dyret. Nærare og nærare vart det, til slutt sa Ove at går du nærare dyret no så kjem du til å trakke på det. Tormod var max 2 meter frå dyret då det reiste seg og dermed gjekk skotet. Bukken som Ove meinte det var, skulle vise seg å vere ein ok einsleg hokalv. Etter å ha felt denne gjekk Tormod mot dei tre andre dyra Ove hadde sett, best som det var stod han midt blant dei. Det var nok ikkje dyr men derimot nokre trestubbar som på så langt hald til forveksling kunne likne på tre liggande dyr. Vel då var tida komen til å få Junior ned frå tunnelltaket og innover slik at han kunne ta hand om kalven og få den til Berge ☺
Tormod med bukken som vart kalv☺