Rimeleg stort agn vi brukte til å prøve å få marlin med. Først fiska vi etter bonito, som den vert kalla, så var det rett på ny krok og uti att som agn til marlin. Dette er ein liten tunfisk i SkipJack familien, den same typen som du får når du kjøper tunfisk i boks. Dette er verdens mest utbreidde tunfisk art og er ikkje nokon trua bestand i nokon verdshav. Er ein god matfisk men dette vart ikkje prøvd av oss denne gangen. Agnet hadde ei vekt på mellom 1,5 og 2 kg.
