8-taggar Beitabakken 7. oktober

Tormod og Ove reiste inn til Fjellstødl på tysdag men før me reiste fram prøvde me oss på ein bukk i Beitabakken. Bukken oppdaga nok aldri at me prøvde å få nærkontakt med han. Bukken for framover medan me tenkte han skulle heimover.

På onsdagsmorgon prøvde me oss på Strunka og i Svartøyadn men her såg me ikkje dyr, medan me holdt på kom Randi inn på VHFen og sa at ho såg dyr på svodn heimom Beitabakken. No vart det full fart, først til Fjellstødl og så vidare heimover. Tormod gjekk opp til Tormodssplass medan Ove skulle til Daurmåla for å jage dyra fram og oppover mot Tormod. Dette gjekk flott og Tormod fekk seg ein 8-taggar.