Første jaktdagen på Berge denne sesongen

Bra bukk dette!

Ove går over elva, blir relativt blaut her :-)

Asle og Trygve gjekk opp over tunneltaket (Frudalstunnelen) medan Tormod og Ove gjekk opp til Heimastødl for å kikre til dei to på andre sida av elva. Ingenting å sjå så, då var det for Tormod og Ove å kome seg framover, Tormod gjekk til til Fjellstødl medan Ove gjekk eit stykke framom der vi har ein gapahuk. Trygve og Asle dels lurejakta seg framover, dels hadde dei jag fram til Fjellstødl men noko dyr kom ikkje så då var det å blåse av jakta, men akkurat då kom det ein stor bukk gåande på andre sida av Besselva, rett ovanfor Ove. Dyret datt det og Ove hadde fått seg ein 14 taggar. Me slakta dyret etter ein ny måte som me hadde sett på Youtube, dette gjekk rimeleg greit og er nok noko me vil fortsette med når me er langt til fjells. Så var det Besselva då, den steig heile dagen og me måtte over den att med slaktet. Det blir vel nærmast for ekstremsport å rekne, vatnet rakk opp til beltestaden men me kom over, ein skulle nesten tru det var våtdrakt me hadde på oss og ikkje jaktklede.