Ikkje alltid like enkelt å få kjøtet heim!

Dagen etter bukkefallet drog me inn på Berge i 16 tida for å få bukken, som hang i løypestrengen, ned frå der den hang seg fast i trea dagen før. Dette blei ingen enkel operasjon, Johnny måtte først felle nokre trær, etter at det var gjort så for bukken utfor stupet men der hang han seg opp på nytt i nokre busker.

Ove gjekk ned for å prøve å løyse den med toget men det gjekk heller dårleg. Tilslutt måtte me alle tre halde på nedanfrå. Til slutt løysna den men då rauk feste i løypestrengen og bukken datt tvert ned med ein skikkeleg klask, hadde festet helde 2-3 meter til så hadde den landa perfekt. No var det til med talje på nytt og tilslutt fekk med den oppatt på nivået med vegen.

Litt av eit arbeid men karane var glade for at det trass alt enda godt. Frå me reiste og til me kom heim att brukte me nærare 6 timar. Det er lang tid når ein tek omsyn til at bukken berre hang 100 meter frå vegen og at han då skulle sendast med løypestreng desse meterane.